lae us but ko iltija kar ke
kufr TuTa KHuda KHuda kar ke

Pandit Daya Shankar Naseem lakhnavi

---

---

mani-e-raushan jo hon to sau se behtar ek sher
matla-e-KHurshid kafi hai pae-diwan-e-subh

Pandit Daya Shankar Naseem lakhnavi

---

---

makan sine ka pata hun dam-ba-dam KHali
nazar bacha ke tu ai dil kidhar ko jata hai

Pandit Daya Shankar Naseem lakhnavi

---

---

samjha hai haq ko apne hi jaanib har ek shaKHs
ye chand us ke sath chala jo jidhar gaya

Pandit Daya Shankar Naseem lakhnavi

---

---

subh-dam ghaeb hue 'anjum' to sabit ho gaya
KHanda-e-behuda par toDe gae dandan-e-subh

Pandit Daya Shankar Naseem lakhnavi

---

---