aaj ki raat ujale mere ham-saya hain
aaj ki raat jo so lun to naya ho jaun

Naseer Turabi

---

---

adawaten thin, taghaful tha, ranjishen thin bahut
bichhaDne wale mein sab kuchh tha, bewafai na thi

Naseer Turabi

---

---

is kaDi dhup mein saya kar ke
tu kahan hai mujhe tanha kar ke

Naseer Turabi

---

---

main ek shajar ki tarah rah-guzar mein Thahra hun
thakan utar ke tu kis taraf rawana hua

Naseer Turabi

---

---

milne ki tarah mujh se wo pal bhar nahin milta
dil us se mila jis se muqaddar nahin milta

Naseer Turabi

---

---

shahr mein kis se suKHan rakhiye kidhar ko chaliye
itni tanhai to ghar mein bhi hai ghar ko chaliye

Naseer Turabi

---

---

tujhe kya KHabar mere be-KHabar mera silsila koi aur hai
jo mujhi ko mujh se baham kare wo gurez-pa koi aur hai

Naseer Turabi

---

---

wo ham-safar tha magar us se ham-nawai na thi
ki dhup chhanw ka aalam raha judai na thi

Naseer Turabi

---

---

ye hawa sare charaghon ko uDa le jaegi
raat Dhalne tak yahan sab kuchh dhuan ho jaega

Naseer Turabi

---

---