aasmanon se zaminon pe jawab aaega
ek din raat Dhale yaum-e-hisab aaega

Najeeb Ahmad

---

---

hum to samjhe the ki chaaron dar muqaffal ho chuke
kya KHabar thi ek darwaza khula rah jaega

Najeeb Ahmad

---

---

ek teri yaad gale aise paDi hai ki 'najib'
aaj ka kaam bhi hum kal pe uTha rakhte hain

Najeeb Ahmad

---

---

is daera-e-raushni-o-rang se aage
kya jaaniye kis haal mein basti ke makin hain

Najeeb Ahmad

---

---

KHema-e-jaan ki tanabon ko ukhaD jaana tha
hum se ek roz tera gham bhi bichhaD jaana tha

Najeeb Ahmad

---

---

kis ne wafa ke nam pe dhoka diya mujhe
kis se kahun ki mera gunahgar kaun hai

Najeeb Ahmad

---

---

maut se zist ki takmil nahin ho sakti
raushni KHak mein tahlil nahin ho sakti

Najeeb Ahmad

---

---

meri numud kisi jism ki talash mein hai
main raushni hun andheron mein chal raha hun abhi

Najeeb Ahmad

---

---

meri zamin mujhe aaghosh mein sameT bhi le
na aasman ka rahun main na aasman mera

Najeeb Ahmad

---

---