sans leta hun ki pat-jhaD si lagi hai mujh mein
waqt se TuT rahe hain mere bandhan jaise

Muzaffar Warsi

---

---

tu chale sath to aahaT bhi na aae apni
darmiyan hum bhi na hon yun tujhe tanha chahen

when you walk with me the echo, of my steps should not intrude
I too should not be the between us, I want you in such solitude

Muzaffar Warsi

---

---

wada muawze ka na karta agar KHuda
KHairaat bhi saKHi se na milti faqir ko

Muzaffar Warsi

---

---

zaKHm-e-tanhai mein KHushbu-e-hina kis ki thi
saya diwar pe mera tha sada kis ki thi

Muzaffar Warsi

---

---

zindagi tujh se har ek sans pe samjhauta karun
shauq jine ka hai mujh ko magar itna bhi nahin

Muzaffar Warsi

---

---