haqq-e-mehnat un gharibon ka samajhte gar amir
apne rahne ka makan de Dalte mazdur ko

Munawar Khan Ghafil

---

---

aa ke sajjada-nashin qais hua mere baad
na rahi dasht mein KHali meri ja mere baad

Munawar Khan Ghafil

---

---

fariyaad ki aati hai sada sine se har dam
mera dil-e-nalan hai ki angrezi ghaDi hai

Munawar Khan Ghafil

---

---

dushman ke kaam karne laga ab to dost bhi
tu ai raqib darpai-e-azar hai abas

Munawar Khan Ghafil

---

---

arson KHayal-e-yar raha kuchh khicha khicha
ek dam mera jo aur taraf dhyan baT gaya

Munawar Khan Ghafil

---

---

aad marne ke meri qabr pe aaya 'ghafil'
yaad aai mere isa ko dawa mere baad

Munawar Khan Ghafil

---

---

apne majnun ki zara dekh to be-parwai
pairahan chaak hai aur fikr silane ki nahin

Munawar Khan Ghafil

---

---

agar uryani-e-majnun pe aata rahm laila ko
bana deti qaba wo chaak kar ke parda mahmil ka

Munawar Khan Ghafil

---

---

aashiq ko na le jae KHuda aisi gali mein
jhanke na jahan rauzan-e-diwar se koi

Munawar Khan Ghafil

---

---