kaun dariya-e-mohabbat se utar sakta hai par
kashti-e-farhad aaKHir koh se Takra gai

Munawar Khan Ghafil

---

---

ji mein aata hai mai-kashi kije
tak kar koi saya-dar daraKHt

Munawar Khan Ghafil

---

---

islam ka subut hai ai shaiKH kufr se
tasbih TuT jae jo zunnar TuT jae

Munawar Khan Ghafil

---

---

ek bosa mangta hun main KHairaat-e-husn ki
do mal ki zakat ki daulat ziyaada ho

Munawar Khan Ghafil

---

---

haqq-e-mehnat un gharibon ka samajhte gar amir
apne rahne ka makan de Dalte mazdur ko

Munawar Khan Ghafil

---

---

gulshan-e-ishq ka tamasha dekh
sar-e-mansur phal hai dar daraKHt

Munawar Khan Ghafil

---

---

fariyaad ki aati hai sada sine se har dam
mera dil-e-nalan hai ki angrezi ghaDi hai

Munawar Khan Ghafil

---

---

dushman ke kaam karne laga ab to dost bhi
tu ai raqib darpai-e-azar hai abas

Munawar Khan Ghafil

---

---

arson KHayal-e-yar raha kuchh khicha khicha
ek dam mera jo aur taraf dhyan baT gaya

Munawar Khan Ghafil

---

---