dur rahti hain sada un se balaen sahil
apne man bap ki jo rose dua lete hain

Mohammad Ali Sahil

---

---

hum hain tahzib ke alam-bardar
hum ko urdu zaban aati hai

Mohammad Ali Sahil

---

---

jo asasa zindagi ka us ne joDa umr bhar
maut ka sailab jab aaya to sab kuchh bah gaya

Mohammad Ali Sahil

---

---

KHamushi teri meri jaan liye leti hai
apni taswir se bahar tujhe aana hoga

Mohammad Ali Sahil

---

---

koi karta hai jab hindostan ki baat a 'sahil'
mujhe iqbaal ka qaumi tarana yaad aata hai

Mohammad Ali Sahil

---

---

marte dam tak sab mujh ko insan kahen
aisa hi kirdar mera ho ya-allah

Mohammad Ali Sahil

---

---

masale to zindagi mein rose aate hain magar
zindagi ke masalon ka hal nikalna chahiye

Mohammad Ali Sahil

---

---

meri aankhon mein hue raushan jo ashkon ke charagh
un ke honTon par tabassum ka diya jalta raha

Mohammad Ali Sahil

---

---

meri ninden haram kya hongi
ghar mein rizq-e-halal aata hai

Mohammad Ali Sahil

---

---