umuz-e-ishq-o-mohabbat se aashna hun main
kisi ko gham-zada dekha to ro diya hun main

Matin Niazi

---

---

hum to aashufta-sari se na sanwarne pae
aap se kyun na sanwara gaya gesu apna

Matin Niazi

---

---

ho na jab tak 'matin' kaif-e-gham
aadmi ko KHuda nahin milta

Matin Niazi

---

---

husn ki be-ruKHi ko ahl-e-nazar
hasil-e-iltifat kahte hain

Matin Niazi

---

---

kabhi kabhi to mohabbat ki zindagi ke liye
KHud un ko hum ne ubhaara hai barhami ke liye

Matin Niazi

---

---

KHuda mahfuz rakkhe intishaar-e-rahnumai se
isi manzil pe aa ke aadmi diwana hota hai

Matin Niazi

---

---

'matin' un ka karam waqai karam hai to phir
ye be-ruKHi ye taghaful ye barhami kya hai

Matin Niazi

---

---

yahi aaina hai wo aaina jo liye hai jalwa-e-agahi
ye jo shaeri ka shuur hai ye payambari ki talash hai

Matin Niazi

---

---

zindagi ki bhi yaqinan koi manzil hogi
ye safar hi ki tarah ek safar hai ki nahin

Matin Niazi

---

---