ajab pur-lutf manzar dekhta rahta hun barish mein
badan jalta hai aur main bhigta rahta hun barish mein

Khalid Moin

---

---

aks-dar-aks bikharna hai mujhe
jaane kya TuT gaya hai mujh mein

Khalid Moin

---

---

ek dariche se do aankhen roz sadaen deti hain
raat gae ghar lauTne walo shad raho aabaad raho

Khalid Moin

---

---

hath chhuDa kar jaane wale
main tujh ko apna samjha tha

Khalid Moin

---

---

is shahr-e-fusun-gar ke azab aur, sawab aur
hijr aur tarah ka hai, visal aur tarah ka

Khalid Moin

---

---

kaise gulfam kahun, kaise sitara samjhun
wo badan aur hi miTTi ka banaya hua hai

Khalid Moin

---

---

lakiren khinchte rahne se ban gai taswir
koi bhi kaam ho, be-kar thoDi hota hai

Khalid Moin

---

---

main ne tujh ko manzil jaana
tu mujh ko rasta samjha tha

Khalid Moin

---

---

mausam-e-yaad ka koi jhonka, ab jo guzre tumhaari KHalwat se
soch lena hamare bare mein, par hamara malal mat karna

Khalid Moin

---

---