mujhe to ishq hai phulon mein sirf KHushbu se
bula rahi hai kisi lala ki mahak mujh ko

Khaleel Mamoon

---

---

mujhe pahunchna hai bas apne-ap ki had tak
main apni zat ko manzil bana ke chalta hun

Khaleel Mamoon

---

---

mera wajud o adam bhi ek hadsa naya hai
main dafn hun kahin kahin se nikal raha hun

Khaleel Mamoon

---

---

meri tarah se ye bhi sataya hua hai kya
kyun itne dagh dikhte hain mahtab mein abhi

Khaleel Mamoon

---

---

masruf-e-gham hain kaun-o-makan jagte raho
KHwabon se uTh raha hai dhuan jagte raho

Khaleel Mamoon

---

---

aisa ho zindagi mein koi KHwab hi na ho
andhiyari raat mein koi mahtab hi na ho

Khaleel Mamoon

---

---

lafzon ka KHazana bhi kabhi kaam na aae
baiThe rahen likhne ko tera nam na aae

Khaleel Mamoon

---

---

jo nur bharte the zulmat-e-shab ke sahra mein
wo chand tare falak se utar gae shayad

Khaleel Mamoon

---

---

jawab DhunD ke sare jahan se jab lauTe
hamein to kar gaya yak-laKHt la-jawab koi

Khaleel Mamoon

---

---