e-saya na ho jae kahin ghar mera yarab
kuchh din se main jhukta ye shajar dekh raha hun

Javed Naseemi

---

---

chand ka qurb laga kaisa chalo puchh aaen
aasmanon ke safar se wo palaT aaya hai

Javed Naseemi

---

---

dar-ba-dar ho gae tabir ki dhun mein kitne
in hasin KHwabon se baDh kar koi saffak nahin

Javed Naseemi

---

---

dekhna chhoDe nahin KHwab meri aankhon ne
pura har-chand koi KHwab nahin ho paya

Javed Naseemi

---

---

ek chehra hai jo aankhon mein basa rahta hai
ek tasawwur hai jo tanha nahin hone deta

Javed Naseemi

---

---

girne wala hai mera bojh sambhaale koi
apne aansu meri palkon se uTha le koi

Javed Naseemi

---

---

jise na aane ki qasmen main de ke aaya hun
usi ke qadmon ki aahaT ka intizar bhi hai

Javed Naseemi

---

---

miT jaane ke aasar wirasat mein mile hain
girte dar-o-diwar wirasat mein mile hain

Javed Naseemi

---

---

muddat hui ki zinda hun dekhe baghair use
wo shaKHs mere dil se utar to nahin gaya

Javed Naseemi

---

---