pahle kabhi nahin guzri thi jo guzri is sham
sab kuchh bhul chuke the lekin yaad raha ek nam

Jameeluddin Aali

---

---

nind ko rokna mushkil tha par jag ke kaTi raat
sote mein aa jate wo to nichi hoti baat

Jameeluddin Aali

---

---

na koi us se bhag sake aur na koi us ko pae
aap hi ghao lagae samay aur aap hi bharne aae

Jameeluddin Aali

---

---

na tere siwa koi likh sake na mere siwa koi paDh sake
ye huruf-e-be-waraq-o-sabaq hamein kya zaban sikha gae

Jameeluddin Aali

---

---

kya kya rog lage hain dil ko kya kya un ke bhed
hum sab ko samjhane wale kaun hamein samjhae

Jameeluddin Aali

---

---

kuchh chhoTe chhoTe dukh apne kuchh dukh apne azizon ke
in se hi jiwan banta hai so jiwan ban jaega

Jameeluddin Aali

---

---

'ali' ab ke kaThin paDa diwali ka tyauhaar
hum to gae the chaila ban kar bhayya kah gai na

Jameeluddin Aali

---

---

jaane kyun logon ki nazren tujh tak pahunchen hum ne to
barson baad ghazal ki rau mein ek mazmun nikala tha

Jameeluddin Aali

---

---

is diwani dauD mein bach bach jata tha har bar
ek doha so ise bhi le ja tu hi KHush rah ya

Jameeluddin Aali

---

---