main to tanha tha magar tujh ko bhi tanha dekha
apni taswir ke pichhe tera chehra dekha

Jameel Malik

---

---

peD ka dukh to koi puchhne wala hi na tha
apni hi aag mein jalta hua saya dekha

Jameel Malik

---

---

sab ko phul aur kaliyan banTo hum ko do sukhe patte
ye kaise tohfe lae ho ye kya barg-faroshi hai

Jameel Malik

---

---

us ki KHamoshiyon mein nihan kitna shor tha
mujh se siwa wo dard ka KHugar laga mujhe

Jameel Malik

---

---

ye kya zarur hai main kahun aur tu sune
jo mera haal hai wo tujhe bhi pata to hai

Jameel Malik

---

---

ye manzar ye rup anokhe sab shahkar hamare hain
hum ne apne KHun-e-jigar se kya kya naqsh ubhaare hain

Jameel Malik

---

---

yun dil mein aaj nur ki barish hui 'jamil'
jaise koi charagh jala de bujha hua

Jameel Malik

---

---