kinare hi se tufan ka tamasha dekhne wale
kinare se kabhi andaza-e-tufan nahin hota

Jagan Nath Azad

---

---

main kya karun ki zabt-e-tamanna ke bawajud
be-iKHtiyar lab pe tera nam aa gaya

Jagan Nath Azad

---

---

sukun-e-dil jahan-e-besh-o-kam mein DhunDne wale
yahan har chiz milti hai sukun-e-dil nahin milta

Jagan Nath Azad

---

---

tumhein kuchh is ki KHabar bhi hai ai chaman walo
sahar ke baad nasim-e-sahar pe kya guzri

Jagan Nath Azad

---

---