aao zara si der ko hum hans-bol hi len
tum ko nahin manzur hai achchha rahne do

Ishrat Afreen

---

---

akele ghar mein bhari dopahar ka sannaTa
wahi sukun wahi umr bhar ka sannaTa

Ishrat Afreen

---

---

apni aag ko zinda rakhna kitna mushkil hai
patthar bich aaina rakhna kitna mushkil hai

Ishrat Afreen

---

---

kachchi umron mein bhi akeli rahi
main sada apni hi saheli rahi

Ishrat Afreen

---

---

KHwahishen dil mein machal kar yunhi so jati hain
jaise angnai mein rota hua bachcha koi

Ishrat Afreen

---

---

laDkiyan maon jaise muqaddar kyun rakhti hain
tan sahra aur aankh samundar kyun rakhti hain

Ishrat Afreen

---

---

tera nam likhti hain ungliyan KHalaon mein
ye bhi ek dua hogi wasl ki duaon mein

Ishrat Afreen

---

---

wo jis ne ashkon se haar nahin mani
kis KHamoshi se dariya mein Dub gai

Ishrat Afreen

---

---

wo zaKHm chun ke mere KHar mujh mein chhoD gaya
ki us ko shauq tha be-intiha gulabon ka

Ishrat Afreen

---

---