tere siwa koi kaise dikhai de mujh ko
ki meri aaankhon pe hai dast-e-ghaebana tera

Irfan Siddiqi

---

---

suna tha main ne ki fitrat KHala ki dushman hai
so wo badan meri tanhaiyon ko paT gaya

Irfan Siddiqi

---

---

shoala-e-ishq bujhana bhi nahin chahta hai
wo magar KHud ko jalana bhi nahin chahta hai

Irfan Siddiqi

---

---

sham-e-KHema koi zanjir nahin ham-safaran
jis ko jaana hai chala jae ijazat kaisi

Irfan Siddiqi

---

---

adan mein jaise lahu taziyana ho gaya hai
use gale se lagae zamana ho gaya hai

Irfan Siddiqi

---

---

hum ne muddat se ulaT rakkha hai kasa apna
dast-e-dadar tere dirham-o-dinar pe KHak

Irfan Siddiqi

---

---

hum ne dekha hi tha duniya ko abhi us ke baghair
lijiye bich mein phir dida-e-tar aa gae hain

Irfan Siddiqi

---

---

hum kaun shanawar the ki yun par utarte
sukhe hue honTon ki dua le gai hum ko

Irfan Siddiqi

---

---

hum baDe ahl-e-KHirad bante the ye kya ho gaya
aql ka har mashwara diwana-pan lagne laga

Irfan Siddiqi

---

---