lutf aaram ka tu kya jaane
kabhi ai waqt Thahr mere sath

Hastimal Hasti

---

---

mujh se jaldi haar kar mera harif
jitne ka lutf sara le gaya

Hastimal Hasti

---

---

pyar ka pahla KHat likhne mein waqt to lagta hai
nae parindon ko uDne mein waqt to lagta hai

Hastimal Hasti

---

---

ahat roTi aasra ninden dawa qamiz
aaj mohabbat bhi hui sapnon wali chiz

Hastimal Hasti

---

---

teri binai kisi din chhin lega dekhna
der tak rahna tera ye aainon ke darmiyan

Hastimal Hasti

---

---

wo jo qisse mein tha shamil wahi kahta hai mujhe
mujh ko malum nahin yar ye qissa kya hai

Hastimal Hasti

---

---

ye tajraba hua hai mohabbat ki rah mein
kho kar mila jo hum ko wo pa kar nahin mila

Hastimal Hasti

---

---