main tark-e-talluq pe bhi aamada hun lekin
tu bhi to mera qarz-e-gham-e-hijr ada ka

Hasan Abbas Raza

---

---

ye kar-e-ishq to bachchon ka khel Thahra hai
so kar-e-ishq mein koi kamal kya karna

Hasan Abbas Raza

---

---

us ka firaq itna baDa saneha na tha
lekin ye dukh pahaD barabar laga hamein

Hasan Abbas Raza

---

---

tujh se bichhaD ke samt-e-safar bhulne lage
phir yun hua hum apna hi ghar bhulne lage

Hasan Abbas Raza

---

---

talluq toDne mein pahl mushkil marhala tha
chalo hum ne tumhaara bojh halka kar diya hai

Hasan Abbas Raza

---

---

siwa tere har ek shai ko haTa dena hai manzar se
aur is ke baad KHud ko be-sar-o-saman karna hai

Hasan Abbas Raza

---

---

sham-e-widaa thi magar us rang-baz ne
panw pe honT rakh diye jaane nahin diya

Hasan Abbas Raza

---

---

sawal ye nahin mujh se hai kyun gurezan wo
sawal ye hai ki kyun jism o jaan se bahar hai

Hasan Abbas Raza

---

---

mohabbaten to faqat intihaen mangti hain
mohabbaton mein bhala e'tidal kya karna

Hasan Abbas Raza

---

---