log Darte hain dushmani se teri
hum teri dosti se Darte hain

Habib Jalib

---

---

lakh kahte rahen zulmat ko na zulmat likhna
hum ne sikha nahin pyare ba-ijazat likhna

Habib Jalib

---

---

aane wali barkha dekhen kya dikhlae aankhon ko
ye barkha barsate din to bin piritam be-kar gae

Habib Jalib

---

---

kuchh aur bhi hain kaam hamein ai gham-e-jaanan
kab tak koi uljhi hui zulfon ko sanware

Habib Jalib

---

---

jin ki yaadon se raushan hain meri aankhen
dil kahta hai un ko bhi main yaad aata hun

Habib Jalib

---

---

jin ki KHatir shahr bhi chhoDa jin ke liye badnam hue
aaj wahi hum se begane begane se rahte hain

Habib Jalib

---

---

ek umr sunaen to hikayat na ho puri
do rose mein hum par jo yahan bit gai hai

Habib Jalib

---

---

ek teri yaad se ek tere tasawwur se hamein
aa gae yaad kai nam hasinaon ke

Habib Jalib

---

---

ek hamein aawara kahna koi baDa ilzam nahin
duniya wale dil walon ko aur bahut kuchh kahte hain

Habib Jalib

---

---