izhaar-e-gham kiya tha ba-ummid-e-iltifat
kya puchhte ho kitni nadamat hai aaj tak
Habeeb Ahmad Siddiqui
nigah-e-lutf ko ulfat-shiar samjhe the
zara se KHanda-e-gul ko bahaar samajhte the
Habeeb Ahmad Siddiqui
anai-e-bahaar pe the sab farefta
afsos koi mahram-e-raaz-e-KHizan na tha
Habeeb Ahmad Siddiqui
tag-o-taz-e-paiham hai miras-e-adam
mere muntazir kuchh jahan aur bhi hain
Habeeb Ahmad Siddiqui
taslim hai saadat-e-hosh-o-KHirad magar
jine ke waste dil-e-nadan bhi chahiye
Habeeb Ahmad Siddiqui
wo bhala kaise batae ki gham-e-hijr hai kya
jis ko aaghosh-e-mohabbat kabhi hasil na hua
Habeeb Ahmad Siddiqui
wo karam ho ki sitam ek talluq hai zarur
koi to dard-e-mohabbat ka amin hota hai
Habeeb Ahmad Siddiqui
ya dair hai ya kaba hai ya ku-e-butan hai
ai ishq teri fitrat-e-azad kahan hai
Habeeb Ahmad Siddiqui
ye mahr-o-mah-o-kawakib ki bazm-e-la-mahdud
sala-e-dawat-e-parwaz hai bashar ke liye
Habeeb Ahmad Siddiqui