aam hai izn ki jo chaho hawa par likh do
ishq zinda hai zara dast-e-saba par likh do

Farhan Salim

---

---

ab mujh se sambhalti nahin ye dard ki saughat
le tujh ko mubarak ho sambhaal apni ye duniya

Farhan Salim

---

---

ab us maqam pe hai mausamon ka sard mizaj
ki dil sulagne lage aur dimagh jalne lage

Farhan Salim

---

---

aks kuchh na badlega aainon ko dhone se
aazari nahin aati pattharon pe rone se

Farhan Salim

---

---

hai meri aankhon mein aks-e-nawishta-e-diwar
samajh sako to mera nutq-e-be-e-zaban le lo

Farhan Salim

---

---

hain in mein band kisi ahd-e-rast-KHez ke aks
ye meri aankhen ajaib-gharon mein rakh aana

Farhan Salim

---

---

hausla sab ne baDhaya hai mere munsif ka
tum bhi inam koi meri saza par likh do

Farhan Salim

---

---

hun wardat ka aini gawah main mujh se
ye meri maut se pahle mera bayan le lo

Farhan Salim

---

---

mata-e-dard maal-e-hayat hai shayad
dil-e-shikasta meri kaenat hai shayad

Farhan Salim

---

---