meri KHamoshiyon mein larzan hai
mere nalon ki gum-shuda aawaz
Faiz Ahmad Faiz
meri chashm-e-tan-asan ko basirat mil gai jab se
bahut jaani hui surat bhi pahchani nahin jati
Faiz Ahmad Faiz
meri jaan aaj ka gham na kar ki na jaane katib-e-waqt ne
kisi apne kal mein bhi bhul kar kahin likh rakhi hon masarraten
Faiz Ahmad Faiz
na gul khile hain na un se mile na mai pi hai
ajib rang mein ab ke bahaar guzri hai
Faiz Ahmad Faiz
na jaane kis liye ummid-war baiTha hun
ek aisi rah pe jo teri rahguzar bhi nahin
Faiz Ahmad Faiz
nahin nigah mein manzil to justuju hi sahi
nahin visal mayassar to aarzu hi sahi
Faiz Ahmad Faiz
nahin shikayat-e-hijran ki is wasile se
hum un se rishta-e-dil ustuwar karte rahe
Faiz Ahmad Faiz
phir nazar mein phul mahke dil mein phir shamen jalin
phir tasawwur ne liya us bazm mein jaane ka nam
Faiz Ahmad Faiz
aqs-e-mai tez karo saz ki lai tez karo
su-e-mai-KHana safiran-e-haram aate hain
Faiz Ahmad Faiz