ab mujh ko ehtimam se kije supurd-e-KHak
ukta chuka hun jism ka malba uTha ke main

Dilawar Ali Aazar

---

---

adan ko chhoD hi jaana hai ruh ne 'azar'
har ek charagh se aaKHir dhuan nikalta hai

Dilawar Ali Aazar

---

---

chand tare to mere bas mein nahin hain 'azar'
phul laya hun mera hath kahan tak jaata

Dilawar Ali Aazar

---

---

ek lamhe ke liye tanha nahin hone diya
KHud ko apne sath rakkha jis jahan ki sair ki

Dilawar Ali Aazar

---

---

ek din jo yunhi parda-e-aflak uThaya
barpa tha tamasha koi tanhai se aage

Dilawar Ali Aazar

---

---

main jab maidan KHali kar ke aaya
mera dushman akela rah gaya tha

Dilawar Ali Aazar

---

---

sabhi ke hath mein patthar the 'azar'
hamare hath mein ek aaina tha

Dilawar Ali Aazar

---

---

suKHan-sarai koi sahl kaam thoDi hai
ye log kis liye janjal mein paDe hue hain

Dilawar Ali Aazar

---

---

tum KHud hi dastan badalte ho dafatan
hum warna dekhte nahin kirdar se pare

Dilawar Ali Aazar

---

---