aaghaz-e-mohabbat se anjam-e-mohabbat tak
guzra hai jo kuchh hum par tum ne bhi suna hoga

Dil Shahjahanpuri

---

---

aarzu lutf talab ishq sarasar nakaam
mubtala zindagi-e-dil inhin auham mein hai

Dil Shahjahanpuri

---

---

asar-e-ishq se hun surat-e-shama KHamosh
ye muraqqa hai meri hasrat-e-goyai ka

Dil Shahjahanpuri

---

---

hum ko bechain kiye jate hain
hae kya shai wo liye jate hain

Dil Shahjahanpuri

---

---

husn-e-KHud-bin ko hua aur siwa naz-e-hijab
shauq jab had se baDha chashm-e-tamashai ka

Dil Shahjahanpuri

---

---

kya jaane kis KHayal se chhoDa pa haal-e-zar
mujh par baDa karam hai mere chaarasaz ka

Dil Shahjahanpuri

---

---

main gharq ho raha tha ki tufan-e-ishq ne
ek mauj-e-be-qarar ko sahil bana diya

Dil Shahjahanpuri

---

---

mai-e-kausar ka asar chashm-e-siyah-fam mein hai
saqi-e-mast ajab kaif tere jam mein hai

Dil Shahjahanpuri

---

---

shabab Dhalte hi aai piri maal par ab nazar hui hai
baDi hi ghaflat mein shab guzari kahan pahunch kar sahar hui hai

Dil Shahjahanpuri

---

---