DhunDh kar dil mein nikala tujh ko yar
tu ne ab mehnat meri be-kar ki

Bahram ji

---

---

hai musalman ko hamesha aab-e-zamzam ki talash
aur har ek barhaman gang-o-jaman mein mast hai

Bahram ji

---

---

ishq mein dil se hum hue mahw tumhaare ai buto
KHali hain chashm-o-dil karo in mein guzar kisi tarah

Bahram ji

---

---

ja-ba-ja hum ko rahi jalwa-e-jaanan ki talash
dair-o-kaba mein phire sohbat-e-rahban mein rahe

Bahram ji

---

---

kahin KHaliq hua kahin maKHluq
kahin banda kahin KHuda dekha

Bahram ji

---

---

kahta hai yar jurm ki pate ho tum saza
insaf agar nahin hai to be-dad bhi nahin

Bahram ji

---

---

main barhaman o shaiKH ki takrar se samjha
paya nahin us yar ko jhunjhlae hue hain

Bahram ji

---

---

nahin but-KHana o kaba pe mauquf
hua har ek patthar mein sharar band

Bahram ji

---

---

nahin duniya mein aazadi kisi ko
hai din mein shams aur shab ko qamar band

Bahram ji

---

---