dil mein ab kuchh bhi nahin un ki mohabbat ke siwa
sab fasane hain haqiqat mein haqiqat ke siwa

Aziz Warsi

---

---

gham-e-uqba gham-e-dauran gham-e-hasti ki qasam
aur bhi gham hain zamane mein mohabbat ke siwa

Aziz Warsi

---

---

ek waqt tha ki dil ko sukun ki talash thi
aur ab ye aarzu hai ki dard-e-nihan rahe

Aziz Warsi

---

---

jahan mein hum jise bhi pyar ke qabil samajhte hain
haqiqat mein usi ko zist ka hasil samajhte hain

Aziz Warsi

---

---

kaise mumkin hai ki hum donon bichhaD jaenge
itni gahrai se har baat ko socha na karo

Aziz Warsi

---

---

KHushi mahsus karta hun na gham mahsus karta hun
bahr-alam tumhaara hi karam mahsus karta hun

Aziz Warsi

---

---

meri taqdir se pahle sanwarna jin ka mushkil hai
teri zulfon mein kuchh aise bhi KHam mahsus karta hun

Aziz Warsi

---

---

mohabbat lafz to sada sa hai lekin 'aziz' is ko
mata-e-dil samajhte the mata-e-dil samajhte hain

Aziz Warsi

---

---

mohtasib aao chalen aaj to mai-KHane mein
ek jannat hai wahan aap ki jannat ke siwa

Aziz Warsi

---

---