kuchh kaam aa sakin na yahan be-gunahiyan
hum par laga hua tha wo ilzam umr-bha

Aziz Tamannai

---

---

mil hi jaegi kabhi manzil-e-maqsud-e-sahar
shart ye hai ki safar karte raho sham ke sath

Aziz Tamannai

---

---

thapkiyan dete rahe ThanDi hawa ke jhonke
is qadar jal uThe jazbaat ki hum so na sake

Aziz Tamannai

---

---

un ko hai dawa-e-asihai
jo nahin jaante shifa kya hai

Aziz Tamannai

---

---

wahin bahaar-ba-kaf qafile lapak ke chale
jahan jahan tere naqsh-e-qadam ubharte rahe

Aziz Tamannai

---

---

wo shai kahan hai pinhan ai mauj-e-ab-e-haiwan
jo wajh-e-sar-KHushi thi barson ki tishnagi mein

Aziz Tamannai

---

---

ye gham nahin ki mujh ko jagna paDa hai umr bhar
ye ranj hai ki mere sare KHwab koi le gaya

Aziz Tamannai

---

---