milti hai KHushi sab ko jaise hi kahin se bhi
bhuli hui bachpan ki taswir nikalti hai

Azhar Hashmi

---

---

mere wajud ka mehwar chamakta rahta hai
isi sanad se muqaddar chamakta rahta hai

Azhar Hashmi

---

---

sajde ka sabab jaan ke shirin hai pareshan
farhad ne kah Dala ke rab DhunD raha hun

Azhar Hashmi

---

---

usi pe sabr hai mujh ko har ek daur yahan
bahaar aane se pahle KHizan se guzra hai

Azhar Hashmi

---

---

ye jo behaal sa manzar ye jo bimar se hum tum
siyasat ki nawazish hai kisi se kuchh nahin bolen

Azhar Hashmi

---

---

ye tamanna hai KHuda aalam-e-hasti mein tere
main ayan dekhna chahun to nihan tak dekhun

Azhar Hashmi

---

---