meri numu hai tere taghaful se wabasta
kam barish bhi mujh ko kafi ho sakti hai

Azhar Faragh

---

---

us se hum puchh thoDi sakte hain
us ki marzi jahan rakhe jis ko

Azhar Faragh

---

---

Thaharna bhi mera jaana shumar hone laga
paDe paDe main purana shumar hone laga

Azhar Faragh

---

---

tez aandhi mein ye bhi kafi hai
peD taswir mein bacha liya jae

Azhar Faragh

---

---

teri sharton pe hi karna hai agar tujh ko qubul
ye suhulat to mujhe sara jahan deta hai

Azhar Faragh

---

---

main jaanta hun mujhe mujh se mangne wale
parai chiz ka jo log haal karte hain

Azhar Faragh

---

---

kuchh nahin de raha sujhai hamein
is qadar raushni ka kya kije

Azhar Faragh

---

---

mahsus kar liya tha bhanwar ki thakan ko
yunhi to KHud ko raqs pe mail nahin kiya

Azhar Faragh

---

---

use kaho jo bulata hai gahre pani mein
kinare se bandhi kashti ka masala samjhe

Azhar Faragh

---

---