kuchh aap ka gham kuchh gham-e-jaan kuchh gham-e-duniya
daman mein mere phul bhi hain KHar bhi KHas bhi

Azeem Murtaza

---

---

kuchh naqsh teri yaad ke baqi hain abhi tak
dil be-sar-o-saman sahi viran to nahin hai

Azeem Murtaza

---

---

kya kya faraghaten thin mayassar hayat ko
wo din bhi the ki tere siwa koi gham na tha

Azeem Murtaza

---

---

tanhai ka sannaTa aur aati jati raaten
teri yaad na aur koi gham phir bhi nind na aae

Azeem Murtaza

---

---

tujh se mil ke bhi tera intizar rahta hai
subh ru-e-KHandan se sham zulf-e-barham tak

Azeem Murtaza

---

---

TuTa to aziz aur hua ahl-e-wafa ko
dil bhi kahin us shoKH ka paiman to nahin hai

Azeem Murtaza

---

---

wahi yaksaniyat-e-sham-o-sahar hai ki jo thi
zindagi dast-ba-dil KHak-basar hai ki jo thi

Azeem Murtaza

---

---