ail ki paTri ne us ke TukDe TukDe kar diye
aap apni zat se us ko bahut inkar tha

Atiiqullah

---

---

pani tha magar apne hi dariya se juda tha
chaDhte hue dekha na utarte hue dekha

Atiiqullah

---

---

mujh mein KHud meri adam-maujudgi shamil rahi
warna is mahaul mein jina baDa dushwar tha

Atiiqullah

---

---

lams ki shiddaten mahfuz kahan rahti hain
jab wo aata hai kai fasle kar jata hai

Atiiqullah

---

---

kuchh badan ki zaban kahti thi
aansuon ki zaban mein tha kuchh

Atiiqullah

---

---

aaina aaina tairta koi aks
aur har KHwab mein dusra KHwab hai

Atiiqullah

---

---

kisi ek zaKHm ke lab khul gae the
main itni zor se chiKHa nahin tha

Atiiqullah

---

---

kis ke pairon ke naqsh hain mujh mein
mere andar ye kaun chalta hai

Atiiqullah

---

---

KHwabon ki kirchiyan meri muTThi mein bhar na jae
aainda lamha ab ke bhi yunhi guzar na jae

Atiiqullah

---

---