apna makan bhi tha usi moD par magar
jaane main kis KHayal mein auron ke ghar gaya

Aslam Azad

---

---

dhup ke baadal baras kar ja chuke the aur main
oDh kar shabnam ki chadar chhat pe soya raat bha

Aslam Azad

---

---

doston ke sath din mein baiTh kar hansta raha
apne kamre mein wo ja kar KHub roya raat bha

Aslam Azad

---

---

hamare bich wo chup-chap baiTha rahta hai
main sochta hun magar kuchh mujhe pata na lage

Aslam Azad

---

---

hazar bar nigahon se chum kar dekha
labon pe us ke wo pahli si ab miThas nahin

Aslam Azad

---

---

kisi tarah na tilism-e-sukut TuT saka
wo de raha tha bahut dur se sada mujh ko

Aslam Azad

---

---

koi diwar salamat hai na ab chhat meri
KHana-e-KHasta ki surat hui haalat meri

Aslam Azad

---

---

main ne apni KHwahishon ka qatl KHud hi kar diya
hath KHun-alud hain in ko abhi dhoya nahin

Aslam Azad

---

---

na dasht o dar se alag tha na jangalon se juda
wo apne shahr mein rahta tha phir bhi tanha tha

Aslam Azad

---

---