sikha na duaon mein qanaat ka saliqa
wo mang raha hun jo muqaddar mein nahin hai

Asim Wasti

---

---

nahin wo sham-e-mohabbat rahi to phir 'asim'
ye kis dua se mere ghar mein raushni si hai

Asim Wasti

---

---

mujhe KHabar hi nahin thi ki ishq ka aaghaz
ab ibtida se nahin darmiyan se hota hai

Asim Wasti

---

---

meri zaban ke mausam badalte rahte hain
main aadmi hun mera e'tibar mat karna

Asim Wasti

---

---

ab yahi sochte rahte hain bichhaD kar tujh se
shayad aise nahin hota agar aisa karte

Asim Wasti

---

---

log kahte hain ki wo shaKHs hai KHushbu jaisa
sath shayad use le aae hawa dekhte hain

Asim Wasti

---

---

kuchh wo bhi tabiat ka sukhi aisa nahin hai
kuchh hum bhi mohabbat mein qanaat nahin karte

Asim Wasti

---

---

kisi bhi kaam mein lagta nahin hai dil mera
baDe dinon se tabiat bujhi bujhi si hai

Asim Wasti

---

---

KHushk rut mein is jagah hum ne banaya tha makan
ye nahin malum tha ye rasta pani ka hai

Asim Wasti

---

---