arson bhaTka kiya aur phir bhi na un tak pahuncha
ghar to malum tha rasta mujhe malum na tha

Arzoo Lakhnavi

---

---

awwal-e-shab wo bazm ki raunaq shama bhi thi parwana bhi
raat ke aaKHir hote hote KHatm tha ye afsana bhi

Arzoo Lakhnavi

---

---

apni apni gardish-e-raftar puri kar to len
do sitare phir kisi din ek ja ho jaenge

Arzoo Lakhnavi

---

---

allah allah husn ki ye parda-dari dekhiye
bhed jis ne kholna chaha wo diwana hua

Arzoo Lakhnavi

---

---

'arzu' jam lo jhijak kaisi
pi lo aur dahshat-e-gunah gai

Arzoo Lakhnavi

---

---

is chheD mein bante hain hoshyar bhi diwane
lahraya jahan shoala andhe hue parwane

Arzoo Lakhnavi

---

---

kah ke ye aur kuchh kaha na gaya
ki mujhe aap se shikayat hai

Arzoo Lakhnavi

---

---

josh-e-junun mein wo tere wahshi ka chiKHna
band apne hath se dar-e-zindan kiye hue

Arzoo Lakhnavi

---

---

jo kan laga kar sunte hain kya jaanen rumuz mohabbat ke
ab honT nahin hilne pate aur pahron baaten hoti hain

Arzoo Lakhnavi

---

---