main ne aankhon mein jala rakha hai aazadi ka tel
mat andheron se Dara rakh ki main jo hun so hun

Anees Ansari

---

---

nam tera bhi rahega na sitamgar baqi
jab hai firaun na changez ka lashkar baqi

Anees Ansari

---

---

teri aankhon ne dhoya hai mujhe yun
main bilkul saf-suthra ho gaya hun

Anees Ansari

---

---

teri mahfil mein sab baiThe hain aa kar
hamara baiThna dushwar kyun hai

Anees Ansari

---

---

totli umr mein jo bachcha zara mushfiq tha
kuchh baDa ho ke dahane pe na pahuncha aaKHi

Anees Ansari

---

---

tum dard ki lazzat kya jaano kab tum ne chakhe hain zahr-e-subu
hum apne wajud ke shahid hain sangsar hue shamshir hue

Anees Ansari

---

---

tum ko bhi pahchan nahin hai shayad meri uljhan ki
lekin hum milte rahte to achchha hi rahta jaanam

Anees Ansari

---

---