kam-zarf zamane ki hiqarat ka gila kya
main KHush hun mera pyar samundar ki tarah hai

Akhtar Imam Rizvi

---

---

main har ek haal mein tha gardish-e-dauran ka amin
jis ne duniya nahin dekhi mera chehra dekhe

Akhtar Imam Rizvi

---

---

sahil sahil dar saje hain mauj mauj zanjiren hain
Dubne wale dariya dariya jashn manate rahte hain

Akhtar Imam Rizvi

---

---

thaka hua hun kisi sae ki talash mein hun
bichhaD gaya hun sitaron se raushni ki tarah

Akhtar Imam Rizvi

---

---

toD bhi do ehsas ke rishte chhoD bhi do dukh apnane
ro ro ke jiwan kaToge ro ro ke mar jaoge

Akhtar Imam Rizvi

---

---

wo KHud to mar hi gaya tha mujhe bhi mar gaya
wo apne rog meri ruh mein utar gaya

Akhtar Imam Rizvi

---

---