kash lauTen mere papa bhi khilaune le kar
kash phir se mere hathon mein KHazana aae

Ajay Sahaab

---

---

kis ne becha nahin suKHan apna
kaun bazar tak nahin pahuncha

Ajay Sahaab

---

---

peD ko apna hi saya nahin milta logo
fasl apni kabhi pate nahin bone wale

Ajay Sahaab

---

---

shayad zaban pe qarz tha hum ne chuka diya
KHamosh ho gae hain tujhe hum pukar ke

Ajay Sahaab

---

---

wo ret par ek nishan jaisa tha mom ke ek makan jaisa
baDa sambhal kar chhua tha main ne pa ek pal mein bikhar gaya wo

Ajay Sahaab

---

---

yun abas kisi ko sada na do dil-e-zar ko ye bata bhi do
kabhi ab na aaenge lauT kar wo jo ek bar chale gae

Ajay Sahaab

---

---