qatra Thik hai dariya hone mein nuqsan bahut hai
dekh to kaise Dub raha hai mera lashkar mujh mein

Ahmad Shahryar

---

---

aaton ko jagte hain isi waste ki KHwab
dekhega band aankhen to phir lauT jaega

Ahmad Shahryar

---

---

samai kis tarah meri aankhon ki putliyon mein
wo ek hairat jo aaine se bahut baDi thi

Ahmad Shahryar

---

---

tujh se bhi kab hui tadbir meri wahshat ki
tu bhi muTThi mein kahan bhench saka pani ko

Ahmad Shahryar

---

---

tu maujud hai main madum hun is ka matlab ye hai
tujh mein jo napaid hai pyare wo hai mayassar mujh mein

Ahmad Shahryar

---

---