ja ke main ku-e-butan mein ye sada deta hun
dil o din bechne aaya hai musalman koi

Ahmad Husain Mail

---

---

aasman khae to zamin dekhe
dahan-e-gor ka niwala hun

Ahmad Husain Mail

---

---

hangam-e-qanaat dil-e-murda hua zinda
mazmun-e-qum eajaz-e-lab-e-nan-e-jawin tha

Ahmad Husain Mail

---

---

gar bas chale to aap phirun apne gard main
kabe ko ja ke kaun ho ai jaan-e-man KHara

Ahmad Husain Mail

---

---

ghair ka haal to kahta hun nujumi ban kar
aap-biti nahin malum wo nadan hun main

Ahmad Husain Mail

---

---

dur se yun diya mujhe bosa
honT ki honT ko KHabar na hui

Ahmad Husain Mail

---

---

duniya ne munh pe Dala hai parda sarab ka
hote hain dauD dauD ke tishna-dahan KHara

Ahmad Husain Mail

---

---

chaak-e-dil se jhankiye duniya idhar se din udhar
dekhiye sab ka tamasha is shigaf-e-dar se aap

Ahmad Husain Mail

---

---

and-e-qaba mein bandh liya le ke dil mera
sine pe us ke phul khila hai gulab ka

Ahmad Husain Mail

---

---