ab kisi KHwab ki tabir nahin chahta main
koi surat pas-e-taswir nahin chahta main

Ahmad Ashfaq

---

---

ajab Thahrao paida ho raha hai roz o shab mein
meri wahshat koi taza aziyyat chahti hai

Ahmad Ashfaq

---

---

ahut baid na tha masalon ka hal hona
ana ke panw se zanjir hum haTa na sake

Ahmad Ashfaq

---

---

ikta rahta sar-e-bazar kai qiston mein
shukr hai mere KHuda ne mujhe shohrat nahin di

Ahmad Ashfaq

---

---

chiKH uThta hai dafatan kirdar
jab koi shaKHs bad-guman ho jae

Ahmad Ashfaq

---

---

fasle ye simaT nahin sakte
ab parayon mein kar shumar mujhe

Ahmad Ashfaq

---

---

kisi ki shaKHsiyat majruh kar di
zamane bhar mein shohrat ho rahi hai

Ahmad Ashfaq

---

---

lagta hai ki is dil mein koi qaid hai 'ashfaq'
rone ki sada aati hai yaadon ke khanDar se

Ahmad Ashfaq

---

---

meri kam-goi pe jo tanz kiya karte hain
meri kam-goi ke asbab se na-waqif hain

Ahmad Ashfaq

---

---