tu jugnu hai faqat raaton ke daman mein basera kar
main suraj hun tu mujh se aashnai kar nahin sakta

Afzal Allahabadi

---

---

wo jis ki rah mein main ne diye jalae the
gaya wo shaKHs mujhe chhoD kar andhere mein

Afzal Allahabadi

---

---

wo jis ne dekha nahin ishq ka kabhi maktab
main us ke hath mein dil ki kitab kya deta

Afzal Allahabadi

---

---

yaadon ke nasheman ko jalaya to nahin hai
hum ne tujhe is dil se bhulaya to nahin hai

Afzal Allahabadi

---

---

yun elaj-e-dil bimar kiya jaega
sharbat-e-did se sarshaar kiya jaega

Afzal Allahabadi

---

---