kuchh aur tarah ki mushkil mein Dalne ke liye
main apni zindagi aasan karne wala hun

Aftab Hussain

---

---

milta hai aadmi hi mujhe har maqam par
aur main hun aadmi ki talab se bhara hua

Aftab Hussain

---

---

log kis kis tarah se zinda hain
hamein marne ka bhi saliqa nahin

Aftab Hussain

---

---

kya KHabar mere hi sine mein paDi soti ho
bhagta phirta hun jis rog-bhari raat se main

Aftab Hussain

---

---

kuchh rabt-e-KHas asl ka zahir ke sath hai
KHushbu uDe to uDta hai phulon ka rang bhi

Aftab Hussain

---

---

kin manzaron mein mujh ko mahakna tha 'aftab'
kis regzar par hun main aa kar khila hua

Aftab Hussain

---

---

karta kuchh aur hai wo dikhata kuchh aur hai
dar-asl silsila pas-e-parda kuchh aur hai

Aftab Hussain

---

---

khila rahega kisi yaad ke jazire par
ye bagh main jise viran karne wala hun

Aftab Hussain

---

---

pate ki baat bhi munh se nikal hi jati hai
kabhi kabhi koi jhuTi KHabar banate hue

Aftab Hussain

---

---