abhi se is mein shabahat meri jhalakne lagi
abhi to dasht mein do chaar din guzare hain

Abid Malik

---

---

aDe sukun se afsurdagi mein rahta hun
main apne samne wali gali mein rahta hun

Abid Malik

---

---

falak se kaise mera gham dikhai dega tujhe
kabhi zamin pe aa aur zamin se dekh mujhe

Abid Malik

---

---

hazar tane sunega KHajil nahin hoga
ye wo hujum hai jo mushtail nahin hoga

Abid Malik

---

---

miyan ye ishq to sab TuT kar hi karte hain
kisi se hijr agar walihana ho jae

Abid Malik

---

---

nikal lae hain sab log us ke aks mein naqs
ye aaina abhi tayyar hone wala hai

Abid Malik

---

---

puchhta phirta hun main apna pata jangal se
aaKHiri bar daraKHton ne mujhe dekha tha

Abid Malik

---

---

sab mujhe DhunDne nikle hain bujha kar aankhen
baat nikli hai ki main KHwab mein paya gaya hun

Abid Malik

---

---

ye mohabbat koi anjaan si shai hoti thi
kya ye kam hai ki ise teri badaulat samjhe

Abid Malik

---

---